लोकनेता न्यूज
( ऑनलाईन न्यूज नेटवर्क )
अहिल्यानगर - नगर-पाथर्डी विधानसभा मतदारसंघातील महायुतीचे उमेदवार शिवाजीराव कर्डिले यांच्या प्रचाराचा शुभारंभ लोकनेत्या आमदार पंकजाताई मुंडे यांच्या हस्ते शुक्रवार दि. 8 नोव्हेंबर रोजी दुपारी एक वाजता चिचोंडी शिराळ (ता. पाथर्डी) येथील एमआयटी कॉलेज पटांगणामध्ये होत आहे.
यावेळी मुंडे यांची विराट प्रचार सभा होणार आहे. या प्रचार सभेप्रसंगी महायुतीचे उमेदवार माजी मंत्री शिवाजीराव कर्डिले, माजी खासदार सुजय विखे पाटील, आमदार मोनिकाताई राजळे, भाजपचे जिल्हाध्यक्ष दिलीप भालसिंग, भाजपा युवा मोर्चाचे जिल्हाध्यक्ष अक्षय कर्डिले यांच्यासह महायुतीचे सर्व पदाधिकारी कार्यकर्ते मतदार बंधू भगिनींणी मोठ्या संख्येने उपस्थित राहावे असे आवाहन संयोजकांकडून करण्यात आले आहे.
लोकनेत्या पंकजाताई मुंडे यांची विधानसभेच्या निवडणुकीच्या अनुषंगाने जिल्ह्यामध्ये पहिलीच सभा माजी मंत्री कर्डिले यांच्या प्रचारार्थ होत असून या सभेची जय्यत तयारी देखील महायुतीच्या पदाधिकाऱ्यांनी व कार्यकर्त्यांनी केली आहे. चिचोंडी शिराळ या मध्यवर्ती ठिकाणी पाथर्डी व नगर तालुक्यातील कार्यकर्त्यांच्या दृष्टीने आमदार पंकजाताई मुंडे यांची सभा अतिशय महत्त्वाची ठरणार आहे.
या प्रचार सभेसाठी सर्वांनी उपस्थित राहावे असे आवाहन माजी सभापती काशिनाथ पाटील लवांडे, एकनाथ आटकर, वैभव खलाटे, संभाजीराव पालवे, सोमनाथ हारेर, शिवाजीराव पालवे, बापूसाहेब आव्हाड, धर्मनाथ आव्हाड, देविदास आव्हाड,अनिल गीते, गणेश पालवे, पिंटू खाडे, देवेंद्र गीते यांच्यासह सर्वप्रमुख कार्यकर्त्यांनी केले आहे.
0 टिप्पण्या