चंद्रशेखर घुले विजयश्री खेचतील : ह.भ.प. कुंडलिक म. लव्हाट

लोकनेता  न्यूज

( ऑनलाईन न्यूज नेटवर्क )

 शेवगाव : ( विशेष प्रतिनिधी ) :- लोकनेते ( स्व.) मारुतराव घुले पाटील परिवारातील सदस्य शब्दाचे पक्के आहेत. ते दिलेला शब्द पाळतात तसेच ते सहिष्णू असल्याने त्यांच्यावर कितीही आरोप, टीका टिप्पणी केली तरी, ते प्रत्युत्तर देण्याच्या फंदात पडत नाही. चंद्रशेखर घुले पाटील यांनी आमदार म्हणून विकासाचे केलेले काम मोठे आहे. त्यामुळे कार्यकर्ते व मतदारांनी आपली ताकद त्यांच्या पाठीशी उभी करावी. ते निश्चित विजयश्री खेचतील, असे आशीर्वचन श्री. कुंडलिक महाराज लव्हाट यांनी दिले. 

श्री. घुले यांच्या विधानसभा निवडणुकीचा प्रचाराचा नारळ श्रीक्षेत्र वरुर येथील विठ्ठल - रुक्मिणी मंदिरात देवस्थानचे अध्यक्ष दिनकर महाराज अंचवले, श्री. लव्हाट महाराज, श्री. अण्णा महाराज वावरे तसेच सामान्य कार्यकर्त्यांच्या हस्ते संपन्न झाला, त्यावेळी झालेल्या कॉर्नर सभेत ते बोलत होते. ते पुढे म्हणाले, नेवासा, शेवगाव व पाथर्डी तालुक्याच्या विकासात घुले कुटुंबाचे मोठे योगदान आहे तसेच सामाजिक धार्मिक, कार्यक्रमाचा स्व. घुले पाटलांचा वसा माजी आमदार डॉ.नरेंद्र घुले पाटील व चंद्रशेखर घुले पाटील, सौ. राजश्री घुले पाटील, डॉ. क्षितिज घुले पाटील यांनी पुढे चालू ठेवला आहे. आपल्या हक्काचा व मातीतला माणूस विधानसभेत गेला पाहिजे. यासाठी कार्यकर्ते, मतदारांनी त्यांना पाठबळ द्यावे. यावेळी सेवा सहकारी सोसायटीचे चेअरमन मधुकर वावरे, संचालक नबाब शेख, आप्पासाहेब भुजबळ, सुभाष म्हस्के, सुनील म्हस्के, सुधीर म्हस्के यांची समयोचित भाषणे झाली. माजी चेअरमन माणिक म्हस्के यांनी आभार मानले. 

याप्रसंगी ज्येष्ठ कार्यकर्ते भानुदास पाटील अथरगण, सरपंच भागवत लव्हाट, गोपाळ खांबट, नामदेव तुजारे, कानिफ म्हस्के, अण्णा महाराज वावरे, शफिक सय्यद, बापूसाहेब म्हस्के, बादशहा शेख, अशोक गरुड, एकनाथ खांबट, महेशभैया म्हस्के, बाळू सोनटक्के, नंदू कर्डिले, साहेबराव थोरात, साहेबराव रेवडकर, अशोक खांबट, बन्सी चितळे, श्रीकांत भुजबळ, बन्सी वावरे, आबासाहेब खांबट, हमीद शेख, बाळासाहेब म्हस्के, मुरलीधर म्हस्के, अशोक म्हस्के, अर्जुन तुजारे, शेषराव म्हस्के, रामभाऊ लव्हाट, निसार पठाण, राजू खडके, अशोक डांगरे, गणेश ओझा, सुरेश वावरे आदी कार्यकर्ते उपस्थित होते.