माझ्यापेक्षा अधिक लीड देवून आ.संग्राम जगताप यांना विजयी करा : डॉ.सुजय विखे पा.

लोकनेता न्यूज

( ऑनलाईन न्यूज नेटवर्क )

अहिल्यानगर : विधानसभा निवडणुकीत महायुतीतील सर्व घटक पक्षांनी पुन्हा एकदा संग्राम जगताप यांना आमदार करण्याचा संकल्प केला आहे. आ.जगताप यांच्यासाठी चांगले वातावरण असल्याने नगर शहरातील निवडणूक संपल्यातच जमा आहे. राज्यात पुन्हा महायुतीचीच सत्ता येणार आहे, असे पोषक वातावरण निर्माण झाले आहे. लोकसभा निवडणुकीत माझा पराभव जरी झाला असला तरी नगर शहरातून मोठा लीड मला मिळाला. त्यासाठी संग्राम जगताप यांनी प्रामाणिकपणे पूर्ण ताकदीने काम केले. आता अशीच ताकद सर्वांनी मिळून महायुतीचे उमेदवार आ.संग्राम जगताप यांच्या पाठीशी उभी करून त्यांना माझ्यापेक्षा अधिक लीड देवून विजयी करा , असे आवाहन माजी खासदार डॉ. सुजय विखे पाटील यांनी केले.

            महायुतीचे उमेदवार आ.संग्राम जगताप यांच्या प्रचाराच्या नियोजनासाठी माजी खासदार डॉ.सुजय विखे यांनी सोमवारी सायंकाळी नगर शहरात महायुतीतील घातक पक्षाच्या प्रमुख पदाधिकाऱ्यांची बैठक घेतली. यावेळी डॉ. विखे बोलत होते.  डॉ.विखे पुढे म्हणाले, विधानसभा निवडणुकीची २३ नोव्हेंबरला मतमोजणी होणार असून २४ तारखेला माझा वाढदिवस आहे. आ.संग्राम जगताप यांना ५० हजाराहून अधिक मताधिक्य देऊन  या वाढदिवसाची मला भेट द्यावी. या निवडणुकीतील विरोधकांचे काहीच अस्तित्व नाहीये. त्यांची संघटना एका खोलीत मावणारी आहे. पण आमची महायुती हा विशाल सागर बनला आहे. महायुतीचे नेते देवेंद्र फडविसांच्या आदेशाला आम्ही बांधील असून महायुतीच्या प्रत्येक उमेदवाराला निवडणून आणण्यासाठीही आम्ही कटीबद्ध आहोत. त्यासाठी भाजपाच्या पदाधिकाऱ्यांनी पक्षाचे अस्तित्व दाखवून जास्तीत जास्त लीड आ.जगतापांना द्यावा.

 राज्यात पुन्हा महायुतीचे सरकार आल्यावर नगरची नवी एमआयडीसी, नवे डीपी रस्ते, पुण्यश्लोक अहिल्याबाईंच्या स्मारकाचे काम असे अनेक प्रलंबित कामे मी व आ.संग्राम जगताप मिळून करणार आहोत.  प्रस्ताविकात संपत बारस्कर म्हणाले, विधानसभा निवडणुकीसाठी गेल्या महिनाभरा पासून महायुतीमधील पक्षाचे पदाधिकारी पळत आहेत. यामध्ये भाजपाचे काम मोठे आहे. महायुतीमधील सर्व एकसंघाने, एकदिलाने आ.संग्राम जगताप यांचे काम करत आहेत. या निवडणुकीनंतर राज्यात पुन्हा महायुतीचेच राज्य येणार असून संग्राम जगताप हे तिसऱ्यांदा निवडून येत मंत्रीही होतील,असा विश्वास व्यक्त केला.

यावेळी राष्ट्रवादी काँग्रेसचे शहर जिल्हाध्यक्ष संपत बारस्कर, भाजप सरचिटणीस सचिन पारखी, शिवसेनेचे जिल्हाप्रमुख अनिल शिंदे, माजी महापौर बाबासाहेब वाकळे, प्रदेश कार्यकारणी सदस्य सुरेंद्र गांधी, शहर प्रमुख सचिन जाधव, माजी नगरसेवक धनंजय जाधव, आरपीआयचे नेते अजय साळवे, सुरेश बनसोडे, अरविंद शिंदे, रेश्मा आठरे, अंजली आढाव, गीता गिल्डा, प्रिया जानवे, सुरेखा विद्ये, नितीन शेलार, पोपट पाथरे आदींसह मोठ्या संख्येने महायुतीतील घटक पक्षांचे पदाधिकारी, माजी नगरसेवक उपस्थित होते.