तब्बल १९ वर्षांनी भरली माजी विद्यार्थ्यांची शाळा

                       

लोकनेता न्यूज

( ऑनलाईन न्यूज नेटवर्क )

शेवगाव (विशेष प्रतिनिधी) : -  एकत्र बसुन खाल्लेले डब्बे, परिक्षाच्या निकालाची भिती, बोर्डाची परिक्षा ... हातावर खाल्लेल्या छडया आणि मैदानावर रंगलेले खो-खो, कबड्डीचे सामने असा आठवणींनी भारावून टाकणारा शैक्षणिक प्रवास आणि त्या आठवणीत तब्बल १९ वर्षांनी भरवलेल्या वर्गात भेटलेल्या वयाच्या पस्तीशीतील विदयार्थ्यांनी पुन्हा एकदा विदयार्थी जीवन अनुभवले. निमीत्त होते बाळासाहेब भारदे विदयालयातील २००५ च्या १० वीच्या वर्गाच्या स्नेहमेळाव्याचे...

       शेवगाव येथील बाळासाहेब भारदे विदयालयातील शैक्षणिक वर्ष २००४-०५ मधील इयत्ता १० वीच्या वर्गाचा स्नेहमेळावा नुकताच विदयलयात मोठया उत्सहात पार पडला. त्यावेळी ६० पैकी ५५ विदयार्थी व विदयार्थीनी उपस्थित होते. कार्यक्रमाची सुरुवात प्राचार्य शिवदास सरोदे यांच्या हस्ते दिप प्रज्वलन व सरस्वती पुजनाने करण्यात आली. यावेळी उमेश घेवरीकर, सुधीर आपटे, आमृत गोरे, किरण शेळके, भाऊसाहेब शिंदे, वर्गशिक्षिका वैशाली जुन्नरकर आदी गुरुजनांचा स्मृतीचिन्ह, शाल, श्रीफळ व गुलाबपुष्प  देवून सन्मान करण्यात आला. यावेळी मनिषा आजबे, योगिता डाके, अंजली आढाव, मनिषा गवळी, राणी गर्जे, सुनिता भुकेले, मोनिका सुपारे, अलिम शेख, संतोष नेमाणे, रामेश्वर ढिसले, मोबिन तांबोळी, गणेश दिशीत या विदयार्थ्यांनी शाळेविषयी बोलतांना जुन्या आठवणी व येथील शिक्षण संस्काराचा आयुष्यातील प्रवासात झालेला उपयोग याबाबत आपले मनोगत व्यक्त केले.

        यावेळी घेवरीकर,आपटे, गोरे, शेळके,जुन्नरकर या शिक्षकांनी विदयार्थ्यी व शाळेविषयी मनोगत व्यक्त केले. शाळेची इमारत , वर्ग क्रीडांगण, आनंदवन येथील वेगवेगळ्या आठवणींनी विदयार्थ्यांना गहीवरुन आले. यावेळी प्राचार्य सरोदे सर म्हणाले की, माझे विदयार्थी आज ही समाजातील विविध क्षेत्रामध्ये उच्चपदावर पोहचवून विदयालयाचे व गावाचे नाव उज्ज्वल करत आहे.शाळेने दिलेले संस्कार जपतांना वेळोवेळी शाळेच्या मदतीसाठी धावून येतात. यावेळी माजी विदयार्थ्यांच्या वतीने विदयालयास ११ खुर्च्या भेट देण्यात आल्या. घंटावाजून सकाळी ११ वाजता भरलेला वर्ग, त्यामधील तासिका, गृहपाठ, हजेरी व चुकार विदयार्थ्यांना छडया देखील देवून सायंकाळी ५ वाजता सुटला. 

मनोज गुजर, सोमनाथ कर्डीले, संतोष लांडे, सुभाण शेख, शामल लोहीया, अमोल पालवे, महेश मिसाळ, नय्युम पठाण, श्रीकांत शिंदे, संदीप लांडगे, बंडू जगताप, जीवन परदेशी, संजय जोशी, फहीम सौदागर, अभिजीत करवंदे, ज्योती दुधाळ, सुरेखा इंगळे, अर्चना आढाव आदी माजी विदयार्थी उपस्थित होते. कार्यक्रमाचे प्रास्तविक अलीम शेख यांनी तर सुत्रसंचालन अंजली आढाव यांनी केले. तर सोमनाथ घोंगडे यांनी आभार मानले.

---