ओला दुष्काळ जाहीर करून पूर,सरकारने सरसकट मदत जाहिर करावी - आ. मोनिका राजळे

 

लोकनेता  न्यूज

(ऑनलाईन न्यूज नेटवर्क)

 

 पाथर्डी: अहमदनगर जिल्ह्यात विशेषत: शेवगाव पाथर्डी तालुक्यात अतिवृष्टी व पुरामुळे व दररोज होणाऱ्या पावसामुळे हजारो एकरावरील पिके वाया गेली.  शेतात पुराचे पाणी शिरून शेती वाहून गेली, वाड्या-वस्त्यावरील  घरात व शहरात पाणी शिरून संसारोपयोगी साहित्य, धान्य, कपडेलत्ते यांचे नुकसान झाले. डोळ्यादेखत हजारो जनावरे पुरात वाहून गेली व मृत पावली. त्यामुळे शेतकरी व नागरिकांचे कोट्यवधीचे नुकसान झाले. यासाठी सरकारने ओला दुष्काळ जाहिर करुन सरसकट मदत तात्काळ देण्याची मागणी आमदार मोनिका राजळे यानी मुख्यमंत्र्यांकडे केली आहे.

 या संदर्भात मुख्यमंत्री, उपमुख्यमंत्री, मदत व पुनर्वसन मंत्री, महसूल मंत्री, पालकमंत्री यांना पाठविलेल्या पत्रात म्हट्ले आहे की, या नुकसानीला दीड महिना उलटून गेला मात्र शासनाने अजून एकही रुपयाची मदत नुकसानग्रस्तांना दिली नाही. अजूनही पाऊस सुरू असून सर्व महसूल मंडळातील शेतीपिके पाण्यात उभी असून शेतीपिके व फळबागांचे १००% नुकसान झाले आहे. त्यामुळे शासनाने ओला दुष्काळ जाहीर करून नुकसानग्रस्तांना तात्काळ मदत न दिल्यास नुकसानग्रस्तांसह  भारतीय जनता पार्टीचे सर्व आजी,माजी आमदार व खासदार व पदाधिकारी कोणतीही सूचना न देता आमरण उपोषण करतील असा इशारा आमदार मोनिका राजळे यांनी दिला.

शेतकरी व सर्वसामान्यांचा कळवळा दाखवणाऱ्या महाविकास आघाडी सरकारने महाराष्ट्रातील शेतकरी अतिवृष्टी व पुराच्या संकटात सापडलेला असताना शेतकऱ्यांप्रति, नुकसानग्रस्त नुक्संग्रस्ताप्रती, थोड्यातरी संवेदना जाग्या ठेवून या नुकसानग्रस्तांना मदत करणे आवश्यक आहे. अतिवृष्टीमुळे गेल्या दीड महिन्यापासून नुकसान होत आहे, अनेक नेत्यांनी, मंत्र्यांनी, अतिवृष्टी व पूरग्रस्त भागाला भेटी दिल्या पण अजूनही मदत मिळत नाही मग हे दौरे केले कशासाठी ? अहमदनगर जिल्ह्यात पालकमंत्र्यांसह  चार मंत्री आहेत परंतु या मंत्री महोदयांना अहमदनगर जिल्ह्यातील अतिवृष्टी व पूरग्रस्तांच्या सवेदना जाणवत नाहीत काय ? शेतकऱ्यांच्या पिकांचे 100 % नुकसान झालेले आहे. अनेक घरांची, व्यवसायिकांची पुराच्या पाण्यामुळे पडझड व नुकसान झालेले आहे. नुकसानग्रस्त आशाळभूत नजरेने शासनाच्या मदतीची अपेक्षा ठेवुन आहेत. परंतु असंवेदनशील शासनाने अद्याप पर्यंत एकही रुपयांची मदत जाहीर केली नाही.