चांगली बातमी! फायजर, अॅस्ट्राझेनेका लशीचा एक डोस ६० टक्के प्रभावी

 लोकनेता  न्यूज

 (  ऑनलाईन न्यूज नेटवर्क  )

 

लंडन: फायझर आणि अॅस्ट्राझेनेका या कंपन्यांच्या करोनाप्रतिबंधक लशीची एक मात्रा ६५ वर्षांपेक्षा अधिक वयाच्या नागरिकांना करोना संसर्गापासून ६० टक्के संरक्षण देते, असे एका संशोधनात स्पष्ट झाले आहे. युनिव्हर्सिटी कॉलेज ऑफ लंडनच्या दोन संशोधकांनी हा अभ्यास केला. त्यांचा हे संशोधन अभ्यास 'द लॅन्सेट इन्फेक्शस डिसीजेस'मध्ये प्रकाशित करण्यात आला आहे. या संशोधनात ६५ व त्यावरील वयाच्या व्यक्तींचा समावेश करण्यात आला होता.

करोनाच्या डेल्टा या नव्या प्रकारामुळे ब्रिटनमध्ये सध्या चिंता व्यक्त होत आहे. या डेल्टाचा संसर्ग सुरू होण्यापूर्वीचा हा अहवाल आहे. या कंपन्यांची पहिली लस घेतलेल्या इंग्लंडच्या विविध शहरांतील ६५ वर्षांपेक्षा अधिक वयाच्या १०,४१२ नागरिकांना या सर्वेक्षणात सहभागी करून घेण्यात आले होते. यातील सर्वाधिक वयाची व्यक्ती ही ८६ वर्षांची होती. तसेच, या सहभागींमध्ये ७० टक्के महिला होत्या. गेल्या वर्षी जूनपासून हे सर्वेक्षण सुरू करण्यात आले. यामध्ये करोनाचे संक्रमण, संसर्ग, लसीकरण व त्यानंतरची स्थिती याचा अभ्यास करण्यात आला.

या सहभागी नागरिकांपैकी ६७ टक्के जणांना अॅस्ट्राझेनेका तर, उर्वरित नागरिकांना फायझरची लस देण्यात आली. या मात्रा दिलेल्यांच्या ८ डिसेंबर ते १५ मार्च याकालावधीत पीसीआर चाचण्या झाल्या व त्यानंतर हा निष्कर्ष काढण्यात आला.

न्यूरोलॉजिकल आजाराची लागण

या दरम्यान, भारत आणि इंग्लंडच्या संशोधकांनी केलेल्या दोन वेगवेगळ्या संशोधनानुसार, अॅस्ट्राझेनेकाची लस घेणाऱ्या ११ जणांना दुर्मिळ न्यूरोलॉजिकल आजाराची लागण झाली. त्याला गुलेन-बॅरे सिंड्रोम नाव देण्यात आले