ओबीसींच्या हक्कांसाठी लढा देऊ - अरुण मुंढे

 

लोकनेता न्यूज

( ऑनलाईन न्यूज नेटवर्क ) 

अहमदनगर:भाजपा हा सर्वांना बरोबर घेऊन चालणार  पक्ष आहे.  ओबीसींचे हक्क मिळवून देऊन त्यांच्यावर होणार्‍या अन्याय विरोधात आवाज उठवणारा पक्ष आहे. ओबीसींच्या हक्कांवर कोणी गदा आणणार असेल तर त्यांच्या  विरोधात आपण लढा देऊ. केंद्र सरकारने ओबीसींसाठी विविध योजना जाहीर केल्या आहेत. त्यांचा लाभ संबंधित लाभार्थ्यांपर्यंत पोहचविण्याचे काम कार्यकर्त्यांनी करावे. भाजप ओबीसीचे जिल्हाध्यक्ष संतोष रायकर यांच्या नेतृत्वाखाली चांगले काम सुरु असून, यापुढेही त्यांनी असेच काम करात रहावे. मी कायम ओबीसी मोर्चाच्या पाठीशी खंबीरपणे उभा आहे, असे प्रतिपादन भाजपा दक्षिण जिल्हाध्यक्ष अरुण मुंढे  केले.

 भाजपा ओबीसी मोर्चा अहमदनगर जिल्हा आढावा बैठक नुकतीच भाजपा कार्यलयात संपन्न झाली. या बैठकीच्या अध्यक्षस्थानी भाजपा जिल्हा अध्यक्ष अरुण मुंढे होते. यावेळी ओबीसी मोर्चाचे जिल्हाध्यक्ष संतोष रायकर, ओबीसी प्रदेश उपाध्यक्ष प्रकाश चित्ते,  ओबीसी मोर्चा प्रदेश सदस्य अड युवराज पोटे, जिल्हा सरचिटणीस दिलीप भालसिंग, जेष्ठ नेते अल्लाउद्दीन काझी, शहर जिल्हाध्यक्ष ज्ञानेश्‍वर काळे, महिला जिल्हा अध्यक्ष  डॉ.कांचन खेत्रे, जिल्हा  सदस्य  आशाताई वाघ, सरचिटणीस काशिनाथ ओमासे, दत्ता शिंदे, काकासाहेब अनारसे, संध्याताई रसाळ, अ‍ॅड. प्रतिभाताई रेणुकर,  विलास जांभुळकर, डॉ.विलास राऊत, पोपटराव लोंढे, सागर बनकर, रामदास बनकर, संगिताताई घोडेकर, विजाया उल्हारे, डॉ.धर्मराज सुरोसे, अशोक गाडे आदि उपस्थित होते.

 प्रास्ताविकात ओबीसी मोर्चा चे जिल्हाध्यक्ष संतोष रायकर यांनी करून ओबीसी मोर्चा ची कार्यकारिणी पुर्ण करून ओबीसी मोर्चा हा जिल्हात भक्कम करण्यासाठी व भाजपाला बळकटी आणयाचे काम करणार असून ओबीसी  समाजाला न्याय मिळवण्यासाठी रस्त्यावर उतरू, केंद्र सरकारने आर्थिक लाभाच्या योजना मंजूर केल्या होत्या, परंतु या आघाडी सरकारने ओबीसी समाजावर अन्याय केला. जिल्ह्यामध्ये पक्ष वाढविण्यासाठी काम करणार असल्याचे  रायकर म्हणाले .

ओबीसी मोर्चाचे प्रदेश उपाध्यक्ष प्रकाश  चित्ते यांनी प्रदेशाकडून आलेल्या कामकाजा संदर्भात चर्चा करून पुढील  ओबीसी मोर्चा चे धोरण ठरविण्यात आले व मार्गदर्शन केले .भाजपा जिल्हा सदस्य आशाताई वाघ यांनी महिला वर होणार्‍या अत्याचरवर आघाडी सरकारचा निषेध केला. यावेळी नूतप पदाधिकार्‍यांना नियुक्ती पत्र देण्यात आले.  या बैठकीला महिला पद अधिकारी मोठ्या प्रमाणावर उपस्थित होत्या. सूत्रसंचालन  कोषाध्यक्ष नारायण घोगंडे यांनी केले. तर आभार जिल्हा उपाध्यक्ष सचिन मेहेत्रे यांनी मानले.