फक्त 1 रुपया खर्चुन मिळणार 2 लाखांचा फायदा

 

लोकनेता न्यूज

( ऑनलाईन न्यूज नेटवर्क )

 मुंबई : देशातील तिसर्‍या क्रमांकाची सरकारी बँक Bank of Baroda ग्राहकांना पंतप्रधान जीवन ज्योती विमा योजनेअंतर्गत (पीएमजेजेबीवाय) दररोज दोन लाख रुपयांचा विमा देत आहे. ही एक मुदत विमा योजना आहे. पंतप्रधान जीवन ज्योती विमा योजनेत (पीएमजेजेबीवाय) गुंतवणूक करून एखाद्याचा मृत्यू झाल्यास त्याच्या कुटुंबाला 2 लाख रुपये मिळतात. देशातील प्रत्येक व्यक्तीला आयुर्विम्याचा लाभ देण्यासाठी केंद्रातील मोदी सरकारने 9 मे 2015 रोजी पीएमजेजेबीवाय सुरू केली.

बँकेच्या संकेतस्थळावर देण्यात आलेल्या माहितीनुसार, पंतप्रधान जीवन ज्योती विमा योजना आहेत. ही भविष्यकाळातील सुरक्षित योजना असून पंतप्रधान जीवन ज्योती विमा योजनेसाठी वार्षिक प्रीमियम 330 रुपये आहे. ही रक्कम तुमच्या बँक खात्यातून ईसीएसद्वारे घेतली जाते. या योजनेच्या रकमेसाठी बँका प्रशासकीय फी आकारतात. याशिवाय या रकमेवर जीएसटीही लागू आहे.

कोण घेऊ शकेल पॉलिसी ?

पंतप्रधान जीवन ज्योती विमा योजनेअंतर्गत मुदत योजना घेण्याचं किमान वय 18 वर्षे आणि कमाल वय 50 वर्षे आहे. या पॉलिसीचे मॅच्युरिटी वय 55 वर्षे आहे. पीएमजेजेबीवाय पॉलिसी कोणत्याही तारखेला खरेदी केली जाते, पहिल्या वर्षाचे कव्हरेज पुढील वर्षी 31 मेपर्यंत असेल. नंतरच्या वर्षांत, प्रधानमंत्री जीवन ज्योती विमा योजनेचे कव्हर दरवर्षी 1 जूनला बँक खात्यातून प्रीमियमची रक्कम भरून काढता येईल.

पंतप्रधान जीवन ज्योती विमा योजना आहे खास

पंतप्रधान जीवन ज्योती विमा योजना मे 2015 मध्ये सुरू करण्यात आली होती. ही एक मुदत विमा योजना आहे, जी देशातील गरीब लोकांच्या लक्षात ठेवून तयार केली गेली. या योजनेचे सर्वात मोठे वैशिष्ट्य म्हणजे त्याची वैधता एक वर्ष आहे आणि तिचं दरवर्षी नूतनीकरण करण्यात येते.

विम्याचा कालावधीः

वार्षिक प्रीमियम ऑटो डेबिट सुविधेद्वारे बँक खात्यातून वजा केले जाते. या चालू असलेल्या योजनांचा लाभ घेणाऱ्या ग्राहकांनी 31 मे 2021 पर्यंत त्यांच्या खात्यात पुरेसा शिल्लक ठेवला पाहिजे, जेणेकरून या योजनांचा लाभ कायम राहील