जिल्ह्यातील पहिला सीएनजी गॅस पंप सुरु

 

लोकनेता न्यूज 

( ऑनलाईन न्यूज नेटवर्क )

सुपा: (ता. पारनेर ):-जिल्हयातील पहिल्या सीएनजी पंपाचे उदघाटन झाल्यानंतर आता पारनेर नगरपंचायत हद्द तसेच सुपे आद्योगिक वसाहतीस पाईपलाईनच्या माध्यमातून गॅस पुरवठा करण्याच्या सुचना जिल्हाधिकारी राजेंद्र भोसले यांनी भारत पेट्रोलियमच्या अधिकाऱ्यांना दिल्या. आमदार नीलेश लंके यांनी केलेल्या सुचनेनुसार जिल्हाधिकारी राजेंद्र भोसले पारनेर शहर व सुपे औदयोगिक वसाहतीस प्राधान्य देण्याचे आदेश दिले.

भारत पेट्रोलियमचे आदित्यकुमार यांनी यावेळी बोलताना नगर व औरंगाबाद जिल्हयात प्रत्येकी  ८ ते ९ सीएनजी पंप सुरू करण्यात येणार असल्याचे सांगितले. आ. नीलेश लंके यांच्या सुचनेनुसार व  जिल्हाधिकारी राजेंद्र भोसले यांच्या आदेशानुसार पारनेर शहरात घरगुती वापरासाठी तसेच सुपे औदयोगिक वसाहतीसाठी पाईपलाईनच्या माध्यमातून गॅस पुरवठा करण्यात येणार  असल्याचे ते म्हणाले.

 उद्योजक कैलास गाडीलकर यांच्या म्हसणे फाटा येथील समर्थ मल्टी सर्व्हिसेस या भारत पेट्रोलियमच्या पंपावर आता नगर जिल्हयात प्रथमच सीएनजी उपलब्ध करून देण्यात आला असून जिल्हाधिकारी राजेंद्र भोसले व आमदार नीलेश लंके यांच्या हस्ते त्याचे मंगळवारी उदघाटन करण्यात आले. यावेळी प्रांताधिकारी सुधाकर भोसले, तहसिलदार ज्योती देवरे,भारत पेट्रोलियमचे जनरल मॅनेजर आदित्यकुमार, डीजीएम रंगनाथन के, टेरीटरी मॅनेजर दिनेश गाडगीळ, चिफ मॅनेजर श्रीपाद मांडके, टेरीटरी कोऑर्डीनेटर कैलास कुलकर्णी, बजरंग राठोड, मनोज अडिगोपुला, विराज केलुसकर, प्रतिक गायकवाड, समर्थ मल्टी सर्व्हिसेसचे संचालक कैलास गाडीलकर, बाळासाहेब गाडीलकर, शिल्पा गाडीलकर, शरद झोडगे, दादा शिंदे, संदेश कार्ले, कारभारी पोटघन, बाळासाहेब खिलारी, दत्तात्रय निवडूंगे, मंडलाधिकारी शिवाजी शिंदे यांच्यासह विविध क्षेत्रातील मान्यवर यावेळी उपस्थित होते.