औरंगाबादचे ‘संभाजीनगर’ नामांतर प्रश्न;
नगर:- औरंगाबादच्या नामांतराचा प्रश्न गाजत असतांना आज नगर येथे महाराष्ट्र नवनिर्माण विद्यार्थी सेनेच्यावतीने औरंगाबादला जाणार्‍या एस.टी.बसवर छत्रपती संभाजीनगर नावाचे फलक चिटकविण्यात आले. याप्रसंगी जिल्हाध्यक्ष सुमित वर्मा, अनिकेत शियाळ, संकेत जरे, सुमित शिर्के, हामजा शेख, दिपक मगर, योगेश चंगेडिया, प्रमोद जाधव आदिंसह मनसे विद्यार्थी सेनेचे कार्यकर्ते उपस्थित होते.याप्रसंगी सुमित वर्मा म्हणाले, औरंगाबादच्या नामांतरणाचा विषय गेल्या अनेक वर्षांपासून प्रलंबित आहे. याबाबत केंद्र व राज्य सरकारही बोटचेपी भुमिका घेत आहे. नागरिकांच्या भावनांचा विचार करता संभाजीनगर हे नाव होणे गरजेचे आहे. आज अनेक योजनांना, चौकांना सत्ताधारी व विरोधक आपआपल्या नेतृत्वाचे नाव देत आहेत, परंतु नागरिकांच्या भावनांचा आदरकरुन ‘छत्रपती संभाजीनगर’ हे नामांतर होणे गरजेचे आहे.
याबाबत मनसेने वेळोवेळी पाठपुरवठा केला परंतु त्याबाबत कोणताही निर्णय होत नाही. म्हणून आज नगरमध्ये औरंगाबादला जाणार्‍या गाड्यांवर ‘छत्रपती संभाजीनगर’ नावाचे फलक चिकटविले आहेत. याची दखल घेऊन लवकरात लवकर नामांतर व्हावे, अन्यथा यापेक्षा तीव्र आंदोलन केले जाईल, असा इशारा यावेळी सुमित वर्मा यांनी दिला.यावेळी कार्यकर्त्यांना नगरधून औरंगाबादला जाणार्‍याएस.टी.बसेसवर संभाजीनगरचे फलक लावून. छत्रपती संभाजी महाराज की जयच्या घोषणा दिल्या.
0 टिप्पण्या