माझा अंत पाहू नका : आण्णा गरजले

 अहमदनगर - मी माझ्यासाठी नाही तर शेतकऱ्यांच्या मागण्यांसाठी, उपोषणाकरीता जागा मागतोय परंतु मी  आंदोलन करणार म्हणून तुम्ही माझ्याशी सुडबुद्धीने वागत असाल तर माझा अंत पाहू नका असा निर्वाणीचा इशारा ज्येष्ठ समाजसेवक अण्णा हजारे यांनी केंद्र सरकारला दिला आहे .

हजारे यांनी स्वामिनाथन आयोगाच्या शिफारशीच्या अनुषंगाने दोन वेळा आंदोलन केले असून सरकारने त्यांना लेखी आश्वासन दिले . तथापि या गोष्टीला दोन वर्ष उलटून गेले तरी विचार होत नसल्याबथल पुन्हा एकदा या महिना अखेरीस दिल्लीतील रामलीला आंदोलन करन्यासाठी परवानगी मागितली आहे . मात्र एकीकडे आश्वासनाची पूर्तता करायची नाही अन् दुसरीकडे आंदोलनासाठी परवानगीही दयायची नाही . असे धोरण सरकारचे दिसू लागल्याने अण्णा संतापले आहेत .

मी आंदोलन करतोय म्हणून सरकार सूडबुद्धीने वागत असल्याचा आरोप करून ते म्हणाले एका फकीर माणसासी असे वागणे सरकारला शोभत नाही . शांतता व अहिंसेच्या मार्गाने आंदोलन उपोषण करणे ह्रा लोकशाहीने दिलेला अधिकार आहे . माझा अंत पाहू नका अन्यथा २०११ मध्ये जनतेने कॉंग्रेस सरकारला शिकवला तसा धडा तुम्हाला ही शिकवेल असा इशारा दिला आहे .